Xitoy Janubiy Xitoy dengizidagi Filippin harbiy bazasi yaqinidagi bahs-munozarali rifni egallab oldi. Bu haqda Financial Times Xitoyning CCTV davlat telekanaliga asoslanib xabar bermoqda. Uning ma’lum qilishicha, Xitoy qirg‘oq qo‘riqlash xizmati Sendi-Key oroli ustidan "dengiz nazoratini va suveren yurisdiksiyani amalga oshirgan." U yerda Xitoy bayrog‘i o‘rnatilgan.
Bu ko‘p yillar davomida Janubiy Xitoy dengiziga da’vogar bo‘lib kelayotgan Pekinning ilgari egallanmagan boshqa hududda o‘z bayrog‘ini rasman o‘rnatgan birinchi holatidir. Ushbu egallash kelasi hafta boshlanadigan Filippin-Amerika harbiy mashg‘ulotlari arafasida sodir bo‘ldi.
Xitoy 200 kvadrat metrdan sal kattaroq orolni egallab olganiga qaramay, xalqaro dengiz huquqiga ko‘ra u orolning hududiy suvlari ustidan ham nazoratni qo‘lga kiritadi, bu esa 12 dengiz mili radiusini qamrab oladi. Bu esa Filippin o‘z hududidagi Xitoy harakatlarini kuzatish uchun foydalanadigan Titu oroli bilan kesishadi.
Shu bilan birga, hozircha Xitoyning Sendi-Key orolini doimiy ravishda egallashi yoki u yerda qurilish ishlari olib borishi to‘g‘risida hech qanday belgilar yo‘q. Filippin tomonidan ma’lum qilinishicha, Xitoy qirg‘oq qo‘riqlash xizmati o‘z bayrog‘ini o‘rnatgandan so‘ng orolni tark etgan.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Moskva markazida ketma-ket portlashlar yuz berdi
Abduqodir Husanov nega maydonga tushmayotganligiga oydinlik kiritildi. Asl muammo nimada?
