Messi va Suares ikkitadan gol urgan o‘yinda "Inter Mayami" g‘alaba qozondi

"Inter Mayami" MLS muntazam chempionatida "Monreal" ustidan 4:2 hisobida g‘alaba qozondi. O‘yin Fort Loderdeyldagi "Chase Stadium"da bo‘lib o‘tdi.

"Qirg‘iylar" hujumchilari Lionel Messi va Luis Suares ikkitadan gol urib, bittadan golli uzatmani amalga oshirishdi. Mehmonlar safida Dante Sili va Viktor Loturi o‘z nomini tabloga yozdirib qo‘ydi.

"Inter Mayami" ochkolarini 26 taga yetkazib, Sharqiy konferensiyada 6-o‘rinda bormoqda. "Monreal" so‘nggi o‘rinda bormoqda - 8 ochko.