"Inter Mayami" futbolchisi Lionel Messi yangi jarohati haqida fikr bildirdi. 37 yoshli hujumchi sonini yaqinlashtiruvchi mushakdan olgan jarohati tufayli Argentina terma jamoasiga mart oyida bo‘lib o‘tadigan JCH-2026 saralashida yordam bera olmaydi.
"Urugvay va Braziliyaga qarshi muhim o‘yinlarni o‘tkazib yuborishim juda achinarli. O‘ynashni juda xohlagandim, biroq kichik jarohat tufayli terma jamoa qarorgohiga bora olmayman. Har qanday argentinalik muxlis kabi jamoani tashqaridan qo‘llab-quvvatlayman. Olg‘a, Argentina!" - deb yozdi Messi ijtimoiy tarmoqdagi sahifasida.
Eslatib o‘tamiz, jarohat "Inter Mayami"ning "Atlanta Yunayted"ga qarshi yakshanbadan dushanbaga o‘tar kechasi bo‘lib o‘tgan o‘yinidan so‘ng aniqlangan edi. Messi gol urib, "lochinlar"ning g‘alabasiga hissa qo‘shdi (2:1).
"Real"ga gol urgan o‘zbekistonlik futbolchi Eron klubiga o‘tishga yaqin!
«Man Siti» rahbari yozda Gvardiola bilan xayrlashishga qaror qildi. Uning o‘rniga asosiy nomzod ma’lum
Muhammad Saloh g‘alati ko‘rsatkich qayd etdi
