Mbappe «Qayrat»ga qarshi o‘yinda asosiy tarkibga kiritilmaydi

«Real» hujumchisi Kilian Mbappe Chempionlar Ligasi «Qayrat»ga qarshi uchrashuvda asosiy tarkibdan o‘rin olmaydi, deb xabar berdi Sports.kz Championat.com’ga tayanib.

Ma’lumotlarga ko‘ra, murabbiylar shtabi fransuz forvardiga dam berishga qaror qilgan. Shu bois Mbappe zaxirada qoladi. Bu haqda AS nashri yozdi.

Eslatib o‘tamiz, 2025 yil 30 sentyabr kuni UYEFA Chempionlar Ligasi umumiy bosqichi 2-turidan o‘rin olgan «Qayrat» (Qozog‘iston) — «Real» (Ispaniya) bahsi bo‘lib o‘tadi. Uchrashuv Olma-ota shahridagi «Markaziy» stadionida o‘tkaziladi. O‘yin 21:45 da boshlanadi.

Chempionlar Ligasi 1-turida «Real» «Marsel»ni 2:1 hisobida mag‘lub etgan, «Qayrat» esa «Sporting»ga 1:4 hisobida imkoniyatni boy bergan edi.