"Manchester Yunayted" bosh murabbiyni ishdan haydab ham autsayderni mag‘lub eta olmadi

Angliya Premyer-ligasi 21-turidan o‘rin olgan "Byornli" - "Manchester Yunayted" uchrashuvi yakuniga yetdi. Bahs 2:2 hisobida durang bilan yakunlandi.

Uchrashuvda hisobni Eyden Xeven ochdi. Mehmonlar himoyachisi 13-daqiqada o‘z darvozasini ishg‘ol qildi. Ikkinchi bo‘limning 50-daqiqasida "Manchester Yunayted" hujumchisi Benyamin Sheshko hisobni tenglashtirgan bo‘lsa, oradan 10 daqiqa o‘tib sloveniyalik forvard dublni rasmiylashtirdi. 66-daqiqada mezbonlar futbolchisi Jeydon Entoni hisobni tenglashtirdi.

"Manchester Yunayted" ayni damda ochkolarini 32 taga yetkazib, Angliya chempionati turnir jadvalida oltinchi o‘rinda bormoqda. "Byornli" esa 19-pog‘onada bormoqda, jamoa hisobida 13 ochko mavjud.

Byornli - Manchester Yunayted - 2:2

Gollar: Xeven, 13 - o‘z darvozasiga (1:0). Sheshko, 50 (1:1). Sheshko, 60 (1:2). Entoni, 66 (2:2)

Byornli: Dubravka, Estev, Xamfris, Loran, Ugochukvu, Florentinu, Lukas Pires, Uoker, Edvards (Sonne, 90+2), Mejbri (Entoni, 58), Broyya (Foster, 76)

Manchester Yunayted: Lammens, Martines, Xeven (Yoro, 61), Shou, Dalot, Kazemiru (Maynu, 74), Ugarte (Leysi, 84), Brunu Fernandesh (Maunt, 61), Kunya (Zirkze, 74), Dorgu, Sheshko

Ogohlantirishlar: Mejbri, 41. Foster, 90