Makron: “Fransiya va hamkorlar qo‘shinlari Kiyev yoki Odessada faqat orqa safda bo‘lishi mumkin”

Fransiya prezidenti Emmanuel Makron so‘zlariga ko‘ra, Ukrainaning Kiyev yoki Odessa shaharlari “xohlovchi koalisiya” qo‘shinlari uchun faqat ikkinchi qatorda, frontdan uzoq joylashtirilishi mumkin. Bu haqda u RTL radiosiga bergan intervyusida ma’lum qildi. “Biz hech qachon front zonasida joylashtirishni rejalashtirmaganmiz, chunki bu bizning vazifamiz emas”, — dedi Makron. Uning ta’kidlashicha, qo‘shinlarning aniq tarkibi va tayyorlanish bosqichlari hanuz maxfiy, va “barchasi ancha murakkab; zaxira kuch hali ham shakllantirilmoqda”. Shu bilan birga, Makronning aytishicha, maqsad — Kiyev xavfsizligini ta’minlash va Ukraina Qurolli Kuchlari harbiylarini tayyorlashdir. Shu yo‘nalishda mamlakatda ingliz, fransuz va turk harbiylari ham joylashtirilishi mumkin.