Maduro AQSh ma’muriyati bilan muloqotga tayyorligini tasdiqladi

Venesuela prezidenti Nikolas Maduro ikki davlat o‘rtasidagi ziddiyat kuchaygan bir paytda AQSh ma’muriyati bilan muzokaralarga tayyorligini bildirdi.

U bu haqda Venezolana de Televisión telekanalida ma’lum qildi.

Maduroning ta’kidlashicha, faqat diplomatiya va muloqot o‘zaro manfaatli masalalarda o‘zaro tushunishga erishish mumkin. Uning eslatishicha, Karakasning pozisiyasi Trampga 2025 yil 6 sentyabrda yuborilgan maktubda bayon etilgan, unda Venesuela xalqaro huquqqa sodiqligini yana bir bor tasdiqlaydi va kuch ishlatish tahdidini rad etadi.

"Kim Venesuela bilan gaplashmoqchi bo‘lsa, buni yuzma-yuz qiladi", dedi Maduro.

Prezident tinchlikka muqobil yo‘qligini qo‘shimcha qildi. "Dialog ha, tinchlik ha, urush yo‘q", - deya ta’kidladi u ingliz tilida bu iborani takrorlab, buni Venesuelaning qat’iy pozisiyasi deb atadi.