Latviya chegarasida qurollangan shaxslar harbiylarga tahdid qildi va kuzatuv kameralarini o‘g‘irladi

Latviya ichki ishlar vaziri Yanis Dombrava Belarus hududidan Latviyaga 20 nafar noqonuniy migrantni olib o‘tishga uringan niqobli qurollangan shaxslar mamlakat harbiylariga tahdid qilganini ma’lum qildi.

Uning so‘zlariga ko‘ra, Latviya harbiylari chegarani noqonuniy kesib o‘tishga urinishning oldini olgan. Belarus tomonida qolgan qurollangan shaxslar harbiylarga tahdid qilgan va migrantlarni Latviya tomon yo‘naltirgan.

Bir necha soatdan keyin niqobli shaxslar Latviya hududiga kirib, elektr taqsimlash shitini shikastlagan va kuzatuv kameralarini o‘g‘irlagan. Ular chegarachilar yetib kelguniga qadar Belarus hududiga qaytib ketgan.