Lamin Yamal Millatlar ligasida Gavining rekordini o‘ziniki qilib oldi

17 yoshli Lamin Yamal Ispaniya terma jamoasining Niderlandiyaga qarshi o‘yinida gol urib, Millatlar ligasi rekordini o‘rnatdi.

Yosh vinger birinchi qo‘shimcha bo‘lim oxirida "to‘q sariqlar" darvozasini ishg‘ol qilib, tabloda 3:2 hisobini o‘rnatdi (chorak finaldagi ikki o‘yin natijasiga ko‘ra 5:4). Squawka xabariga ko‘ra, Yamal Millatlar ligasi tarixidagi eng yosh gol muallifiga aylandi (17 yoshu 258 kun) - u 17 yoshu 304 kunligida gol urgan "Barselona"dagi sherigi Gavining natijasini ortda qoldirdi.