"Real" darvozaboni Tibo Kurtua "Barselona"ga qarshi muhim uchrashuv arafasida hakamlar faoliyati haqidagi savolga javob berdi.
Cope nashrining yozishicha, belgiyalik futbolchi "El-klasiko"da hakamlik bilan bog‘liq ehtimoliy muammolar uni tashvishlantirmayotganini bildirgan.
"Hakamlarga ishonaman. Ular ham inson, albatta, adashishlari mumkin. Faqat bunday xatolar muntazam ravishda bir jamoa manfaatiga xizmat qilmasligiga umid qilaman", — dedi Kurtua.
Shu bilan birga, u ayrim hakamlik qarorlarini talqin qilishda aniq mezonlar yetishmasligidan norozi ekanini yashirmadi.
"Barselona" va "Real" o‘rtasidagi bahs 25 oktyabr, yakshanba kuni "Kamp Nou" stadionida o‘tkazilishi belgilangan.
La Ligada to‘qqiz turdan keyin kataloniyaliklar 27 ochko bilan yetakchilik qilmoqda. Madridliklar esa 21 ochko jamg‘arib, uchinchi pog‘onani egallab turibdi.
Bahodir Jalolov jangdan keyin nega Abduqodir Husanov va Erling Xoland oldiga bordi?
Shohjahon Ergashevning Toshkentdagi jangi janjal bilan nihoyasiga yetdi
Rossiyalik marhum bokschi umrining so‘nggi 11 yilida gapirmagani ma’lum bo‘ldi
