Surxondaryo viloyati bojxona boshqarmasining “Sariosiyo” temir yo‘l chegara bojxona posti xodimlari yuk vagonlarining biridan yirik miqdordagi psixotrop moddani ushlab qoldi.
Viloyat bojxona boshqarmasi axborot xizmati rahbari Shohro‘z O‘ralovning xabar berishicha, qo‘shni davlatdan kirib kelgan temir yo‘l poyezdi tarkibidagi yuk vagonlari belgilangan tartibda bojxona nazoratidan o‘tkazilayotganida ulardan biridagi hujjatlarda kafel materiali borligi ko‘rsatilgan. Tekshiruv chog‘ida bu yuk vagoniga boshqa mahsulot joylangani ham aniqlandi. Vagonning old qismi ikki yon tomoniga yashirincha joylashtirilgan polietilen qoplar va qog‘oz quti ichidan 5 turdagi 120 ming 510 dona psixotrop tabletka topildi.
Shoxro‘z O‘ralovning yana qo‘shimcha qilishicha, bu psixotrop vositalar yurtimiz hududida muomalasi cheklangan moddalar ro‘yxatiga kiritilgan. Ularni mamlakat ichkarisiga olib kirish yoki tranzit qilish uchun maxsus ruxsatnoma talab etiladi.
Ayni paytda mazkur holat yuzasidan bojxona organlari tergovga qadar surishtiruv ishlarini olib bormoqda.
Rasul Kusherbayev IIBda bir necha soat ushlab turilganidan shikoyat qildi
Chempionlarimiz avtomobil bilan taqdirlanadi
Gulnora Karimova qamoqdan ozod qilingani aytilmoqda
