Janubiy Koreya prezidenti ma’muriyatida bir qator moliyaviy kompaniyalar va kriptovalyuta birjalariga qilingan xakerlik hujumlari munosabati bilan shoshilinch yig‘ilish bo‘lib o‘tadi.
Yonhap agentligi xabar berishicha, yig‘ilishni Milliy xavfsizlik boshqarmasi rahbari o‘rinbosari Son Ki Xo o‘tkazadi.
Chorshanba kuni Daishin Securities, Mirae Asset Global Investments kompaniyalari va Bithumb kriptovalyuta birjasi xakerlik hujumlari sodir bo‘lgani va buning natijasida mijozlar ma’lumotlari tarqalib ketganini ma’lum qildi.
Daishin kompaniyasi ma’lumotlariga ko‘ra, axborot sizib chiqqani haqida xabar bergan tashkilotlardan birida 38 490 nafar mijozning shaxsiy ma’lumotlari xakerlar tomonidan qo‘lga kiritilgan.
Xabarda aytilishicha, brokerlik kompaniyasi o‘tgan hafta xakerlar tomonidan ruxsatsiz kirish alomatlarini aniqlaganidan so‘ng mijozlarning ismlari, elektron pochta manzillari va mobil telefon raqamlarini o‘z ichiga olgan maxfiy ma’lumotlar tarqalib ketgan.
Kompaniya huquqni muhofaza qiluvchi organlar bilan hamkorlikda tekshiruv olib borayotganini va ma’lumotlari oshkor bo‘lgani haqida mijozlarni xabardor qilganini bildirdi.
Chorshanba kuni ertalab Mirae Asset Global Investments, Bithumb kriptovalyuta birjasi va Daishin Securities kompaniyalari yaqinda sodir bo‘lgan alohida xakerlik hujumlari natijasida mijozlar ma’lumotlari tarqalib ketganini ma’lum qildi.
Kutilishicha, shoshilinch yig‘ilishda kiberhujumlar oqibatida yetkazilgan zararning to‘liq ko‘lami va kelgusida bunday holatlarning oldini olish choralari muhokama qilinadi.
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
Dunyodagi eng yirik yo‘lovchi samolyoti Moskvaga qo‘na olmayapti — OAV
