Rossiya va Xitoyning 10 dan ortiq harbiy samolyoti Koreya havo mudofaasini identifikasiya qilish zonasiga (KADIZ) kirib, so‘ngra uni tark etdi.
Bu haqda Seuldagi Shtab boshliqlari birlashgan qo‘mitasiga (JCS) tayanib AFP agentligi xabar bermoqda.
Jahon aviasiyasi kuzatuvchilarining qayd etishicha, Janubiy Koreya harbiylari ushbu samolyotlarni mazkur hududga kirishdan avval aniqlagan va shundan so‘ng kutilmagan vaziyatlarning oldini olish maqsadida hududga qiruvchi samolyotlarni yo‘naltirgan.
JCS bayonotida Rossiya va Xitoy samolyotlari Koreya Respublikasining havo hududini buzib o‘tmagani alohida ta’kidlangan. KADIZ xavfsizlikni ta’minlash maqsadida yaqinlashayotgan havo kemalari aniqlanadigan bufer zona hisoblanadi.
Boshqa davlatlarning harbiy samolyotlari ushbu hududga kirishdan avval ogohlantirish berishi kutiladi, biroq AFPning qayd etishicha, bu xalqaro huquq nuqtai nazaridan majburiy majburiyat emas.
Shu kuni Rossiyaning TASS davlat agentligi Moskva nuqtai nazaridan mazkur havo mudofaasini identifikasiya qilish zonasi Seul tomonidan bir tomonlama tartibda belgilanganini va boshqa davlatlar uchun huquqiy majburiyat yaratmasligini ma’lum qildi.
Avvalroq 2025 yilning dekabr oyida ham Rossiya va Xitoyning to‘qqizta harbiy samolyoti KADIZ zonasiga kirgan va bu holat Janubiy Koreya hamda Yaponiyaning keskin noroziligiga sabab bo‘lgan edi. O‘shanda Moskva va Pekin ushbu parvozlar Yapon dengizi hamda Tinch okeanining g‘arbiy qismi uzra hamkorlikdagi patrul xizmati doirasida amalga oshirilganini bildirgandi.
Hindiston TIV Rossiya diplomatini chaqirtirdi
1 avgustdan avtomobillar uchun gaz bepul bo‘ladi
Rossiyada migrantlarni deportasiya qilish uchun asoslar kengaytirildi
