Istanbul shahrida Turkiya jandarmeriyasining shahar boshqarmasiga tegishli, mahbuslarni tashiyotgan avtobus yo‘l-transport hodisasiga uchrab, ag‘darildi. Bu haqda Report nashri shahar ma’muriyatining X (sobiq Twitter) ijtimoiy tarmog‘idagi bayonotiga tayanib xabar berdi.
Ma’lum qilinishicha, hodisa oqibatida jami 19 nafar kishi turli darajada jarohat olgan. Jabrlanganlar orasida avtobus haydovchisi, 12 nafar mahbus va 6 nafar jandarmeriya xodimi bor. Ularning ikki nafari og‘ir ahvolda ekani aytilmoqda.
Jarohat olganlar shifoxonalarga yetkazilgan, ularga zarur tibbiy yordam ko‘rsatilmoqda. Hodisa sabablari aniqlanmoqda, tegishli idoralar tomonidan tekshiruv ishlari olib borilmoqda.
Odilxon qori Yunusxon o‘g‘li sud zalida hibsga olindi
Aholini ro‘yxatga olish savolnomasini xato to‘ldirganlarga ogohlantirish yuborilmoqda
Nikolay Valuyev: "Markaziy Osiyo davlatlariga hech qachon tahdid qilmaganman"
