Isroil bosh vaziri Binyamin Netanyaxu boshchiligidagi «Likud» partiyasi parlament saylovlarida yetakchilik qilmoqda. Biroq ekzitpol natijalariga ko‘ra, amaldagi hukmron koalisiya Knessetda ko‘pchilik o‘rinni qo‘lga kirita olmayapti.
Isroilning Kan-11 davlat telekanali xabar berishicha, saylov uchastkalarida ovoz berish jarayoni yakunlanganidan so‘ng ekzitpol natijalari e’lon qilingan.
Isroilning yetakchi telekanallari o‘tkazgan so‘rovlarga ko‘ra, Binyamin Netanyaxu boshchiligidagi «Likud» partiyasi parlamentdagi o‘rinlar soni bo‘yicha oldinda bormoqda. Biroq amaldagi hukmron koalisiya parlamentda ko‘pchilikni ta’minlay olmayapti.
Xususan, muxolifat bloki 52 ta, Netanyaxu bloki 50 ta, arab partiyalari esa 18 ta mandatga ega bo‘lishi mumkin.
Isroilda hukumatni shakllantirish uchun 120 nafar deputatdan kamida 61 nafarining qo‘llab-quvvatlashi talab etiladi.
Kutilishicha, ovozlarni sanashning deyarli yakuniy natijalari 30 oktyabrga qadar ma’lum bo‘ladi. Saylovning rasmiy natijalari esa 4 noyabr kuni e’lon qilinadi.
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
Dunyodagi eng yirik yo‘lovchi samolyoti Moskvaga qo‘na olmayapti — OAV
