Isroilning Rafael Advanced Defense Systems kompaniyasi dushman hududining chuqur qismlaridagi nishonlarga zarba berish hamda zamonaviy havo hujumidan mudofaa tizimlarini yorib o‘tishga mo‘ljallangan "SUPER ICE" nomli yangi uzoq masofali qanotli raketani taqdim etdi.
ICE turkumidagi raketalarni ishlab chiqish ishlari 2021-yilda, o‘sha vaqtdagi Bosh vazir Naftali Bennett Isroilda Eronning yadroviy infratuzilmasiga samarali zarba berish uchun zarur bo‘lgan, zudlik bilan qo‘llashga tayyor imkoniyatlar yetishmasligini aniqlaganidan so‘ng boshlangan. Shundan so‘ng, mudofaa sanoati oldiga imkon qadar qisqa vaqt ichida chuqur hududlarga zarba beruvchi qurolni yaratish vazifasi qo‘yildi.
Yangi ICE raketasi kengaytirilgan ta’sir doirasi, yuqoriroq tezlik va 454 kg og‘irlikdagi jangovar qismga ega. Raketani havo, quruqlik yoki dengizdagi platformalardan uchirish mumkin, bu esa uning qo‘llanilish imkoniyatlarini sezilarli darajada kengaytiradi.
"Maariv" nashriga ko‘ra, ICE raketa turkumining avvalgi versiyalari Eron, Suriya, Livan, Yaman va Qatardagi nishonlarga berilgan zarbalarda allaqachon qo‘llanilgan.
Chaqalog‘ini hojatxonaga tashlagan ayolga 3 yillik jazo tayinlandi
AQSh va Eron dastlabki kelishuvga erishish sari ilgarilamoqda
"Evropaliklar Abu-Dabiga kelishibdi — mayli, mehmonxonalarida o‘tiraversinlar"
