CNN ma’lumotiga ko‘ra, Eron bilan qurolli to‘qnashuvlar davomida Isroil maxsus operasiyalar bo‘linmalari va razvedka xodimlarini, jumladan «Mossad» agentlarini Ozarbayjon hududiga maxfiy ravishda joylashtirgan.
Telekanal manbalariga ko‘ra, ushbu xodimlar razvedka ma’lumotlarini to‘plash va ayrim maxsus operasiyalarni muvofiqlashtirish vazifalarini bajargan bo‘lishi mumkin.
Biroq Ozarbayjonning Isroildagi elchixonasi bu da’volarni rad etdi. Diplomatik vakolatxona bayonotida mamlakat hududi Eronga qarshi har qanday harbiy harakatlar uchun foydalanilmagani ta’kidlangan.
Ozarbayjon rasmiylari o‘z hududidan uchinchi davlatlarga qarshi operasiyalar o‘tkazish uchun foydalanishga yo‘l qo‘ymaslik siyosatiga amal qilishini bildirgan.
Mazkur xabarlar hozircha mustaqil manbalar tomonidan to‘liq tasdiqlangan emas. Shu bois, CNN keltirgan ma’lumotlar xalqaro ekspertlar va rasmiy idoralar tomonidan qo‘shimcha tekshiruv talab qiladigan da’volar sifatida baholanmoqda.
Isroil va Ozarbayjon o‘rtasidagi yaqin harbiy-texnik va energetik hamkorlik tufayli bunday xabarlar mintaqada katta qiziqish uyg‘otmoqda. Biroq Boku hozircha o‘z hududi qo‘shni Eronga qarshi operasiyalar uchun ishlatilganini qat’iy rad etmoqda.
O‘zbekistonda yangi ko‘l paydo bo‘ldi
Rossiya Moliya vazirligi va Markaziy bank Putinni ogohlantirdi
2026 yil yozda Markaziy Osiyo mamlakatlarida anomal darajada kuchli yog‘ingarchiliklar kuzatilishi mumkin
