Qo‘shma Shtatlar Isroil uchun «Avvalo Amerika» (America First) tamoyilidan istisno qilishni to‘xtatdi, buning natijasida yahudiy davlati o‘zining «alohida ittifoqchi» maqomini yo‘qotdi. Bu haqda o‘z manbalariga tayanib «Politico» nashri xabar bermoqda.
Nashr suhbatdoshlaridan birining so‘zlariga ko‘ra, Isroil AQSh Prezidenti Donald Tramp Vashingtonning tashqi siyosatida ushbu mamlakat uchun istisnolar qilishda davom etishidan umid qilgan edi.
«Ammo bunday davom etishi mumkin emasdi. Biz to‘rt yil davomida Amerikaning barcha tashqi siyosiy harakatlarida istisno bo‘lib qola olmasdik», — dedi ismi oshkor etilmagan siyosiy maslahatchi.
«Politico» nashrining qayd etishicha, AQSh vise-prezidenti Jey Di Vens ushbu kurs o‘zgarishining ramziga aylandi. U avvalroq Isroil rahbariyatini tanqid qilib, Qo‘shma Shtatlar uning yagona qudratli ittifoqchisi bo‘lib qolayotganini eslatib o‘tgan edi.
Nashr ma’lumotlariga ko‘ra, Isroil Bosh vaziri Binyamin Netanyaxu o‘tgan yili Vashingtonga besh marta tashrif buyurgan bo‘lsa, joriy yilda u yerda faqat bir marta — fevral oyida bo‘lgan. Manbalarning xabar berishicha, Oq uyga yangi tashriflar hozircha rejalashtirilmayapti, tomonlar o‘rtasidagi telefon orqali muloqotlar soni esa sezilarli darajada kamaygan.
Hindiston TIV Rossiya diplomatini chaqirtirdi
1 avgustdan avtomobillar uchun gaz bepul bo‘ladi
Rossiyada migrantlarni deportasiya qilish uchun asoslar kengaytirildi
