Hindiston mamlakat havo hududini Pokistonning barcha samolyotlari uchun yopdi

Hindiston 30 apreldan 23 maygacha Pokistonning barcha reyslari uchun havo hududini yopadi.

Bu haqda NOTAM aviasiya xabarnomasi xabar bermoqda.

Qayd etilishicha, bildirishnoma "Ro‘yxatdan o‘tgan, foydalanilgan, egalik qilgan va Pokiston havo yo‘llari tomonidan ijaraga olingan" barcha samolyotlarga tegishli. Bu fuqarolik va harbiy samolyotlarga ta’sir qiladi.

Eslatib o‘tamiz, 22 aprel kuni Jammu va Kashmir viloyatining Pahalgam shahrida sayyohlar ko‘p to‘plangan joyda terakt sodir etilgan edi. So‘nggi ma’lumotlarga ko‘ra, 26 kishi halok bo‘lgan. Hindiston voqeada Pokistonni aybladi.

Pokiston Senati bir ovozdan Islomobodning hujumdagi rolini inkor qiluvchi rezolyusiyani qabul qildi.

Hujum ortidan Hindiston va Pokiston bir-biriga qarshi havo hududini yopish va vizalarni bekor qilish kabi qator chora-tadbirlar ko‘rdi, bu esa ikki davlat o‘rtasidagi keskinlikning sezilarli darajada oshishiga olib keldi.