Evropa zulmatga cho‘mdi

Ispaniyaning bir qator hududlarida yuz bergan rejali elektr uzilishlaridan so‘ng ta’minotni tiklash olti soatdan o‘n soatgacha vaqt olishi mumkin.

Bu haqda Associated Press (AP) Ispaniyaning milliy elektr tarmog‘ini boshqaruvchi Red Electrica kompaniyasi xabariga asoslanib ma’lum qildi.

Energiya ta’minoti uzilishidan shahar transport tizimlari jiddiy zarar ko‘rdi. Barselona va Madrid metrosidan yo‘lovchilarni evakuasiya qilishga to‘g‘ri keldi, tramvaylar harakati to‘xtadi, svetoforlar ishlamay qoldi.

Shu sababli Valensiyada ham transport tizimi izdan chiqdi. "Metrovalensiya" shahar tashuvchisi vakillari: "Uzilishning ko‘lami ham, davomiyligi ham hozircha noma’lum", deb bildirdi.

Ispaniya poytaxtida yuzaga kelgan vaziyat tufayli Mutua Madrid Open tennis turnirining bir nechta o‘yinlari keyinga qoldirildi.

Ispaniya va Portugaliya elektr tarmoqlari yirik nosozlikdan so‘ng 10 GVt dan ortiq quvvatni yo‘qotdi, deb xabar berdi Financial Times Ispaniya tarmoq operatori ma’lumotlariga tayanib.

Nashrning yozishicha, muvaffaqiyasizlik Yevropaning zamonaviy tarixidagi eng yiriklaridan biri bo‘lgan. Bu Madrid va Barselona kabi shaharlarda, shuningdek, Portugaliyaning turli mintaqalarida millionlab aholiga ta’sir ko‘rsatdi.

***

Ispaniya, Portugaliya, Fransiya va Belgiyada elektr energiyasida katta uzilishlar yuz berdi, bu esa aholini elektr energiyasi, internet va mobil aloqasiz qoldirdi.

Bu haqda xorij OAVlari guvohlarga tayanib xabar bermoqda.

Eng ko‘p jabr ko‘rgan Madrid va Lissabon shaharlari bo‘lib, mahalliy aholining so‘zlariga ko‘ra, u yerda elektr va aloqa yo‘q edi. Portugaliyada videoqo‘ng‘iroqlar ham ishlamaydi. Muvaffaqiyasizlik tufayli jamoat transporti vaqtincha to‘xtatildi va internetdan foydalanish imkoniyati yo‘qoldi.