Falastinning HAMAS harakati 14 mart kuni Eron hukumatini Yaqin Sharqdagi qo‘shni mamlakatlarni nishonga olishdan tiyilishga chaqirdi. Shu bilan birga, harakat Tehronning Isroil va AQShga qarshi o‘zini mudofaa qilish huquqini tasdiqladi. Bu haqda Al Arabiya xabar berdi.
HAMAS tomonidan e’lon qilingan rasmiy bayonotda Eronning harbiy harakatlari borasida tashkilotning pozisiyasi aniq bayon etildi.
“Eron Islom Respublikasining xalqaro normalar va qonunlarga muvofiq, mavjud barcha vositalar bilan ushbu tajovuzga javob berish huquqini tasdiqlagan holda, harakat Erondagi birodarlarni qo‘shni davlatlarni nishonga olishdan qochishga chaqiradi”, deyiladi HAMAS bayonotida.
Eron Islom Respublikasi 1990-yillarning boshidan buyon HAMAS harakatiga harbiy yordam ko‘rsatish, jangchilarni tayyorlash va moliyaviy ko‘mak berishda asosiy homiy bo‘lib kelmoqda. Tehron harakatni mablag‘, qurol-yarog‘ va o‘quv mashg‘ulotlari bilan ta’minlovchi hal qiluvchi tayanch hisoblanadi.
AQSh Davlat departamentining 2020-yildagi hisobotiga ko‘ra, Eron Falastin jangchilari, jumladan, HAMASga har yili qariyb 100 million dollar ajratgan. Biroq so‘nggi yillarda bu raqamlar keskin o‘sgani kuzatilmoqda.
BMTda uyat va bema’nilik teatri
"Suv ostidan uchiriladigan va soniyasiga 100 metr tezlikka ega": Eron yangi turdagi raketalarini ishga solmoqchi
Eron Isroilga o‘ta og‘ir ballistik raketalar bilan kuchli hujum uyushtirdi
