Gondurasda sodir bo‘lgan ikkita qurolli hujumda 20 nafardan ortiq odam halok bo‘ldi

Gondurasdagi ikkita qurolli hujum oqibatida 25 kishi, jumladan, olti nafar polisiya xodimi halok bo‘ldi.

Bu haqda Sky News huquqni muhofaza qilish organlarini tayanib xabar bermoqda.

Xabarlarga ko‘ra, birinchi hodisa Truxilyo shimoliy munisipalitetidagi plantasiyada sodir bo‘lgan. Noma’lum shaxslar ishchilarga qarata o‘t ochishgan va kamida 19 kishi halok bo‘lgan. Qarindoshlar allaqachon ba’zi jasadlarni voqea joyidan olib chiqib ketishganligi sababli, aniq qurbonlar soni hali aniqlanmagan.

Ikkinchi hujum Gvatemala bilan chegaradosh Kortes departamentidagi Omoa munisipalitetida sodir bo‘lgan. Qurolli shaxslar poytaxt Tegusigalpadan to‘dalarga qarshi operasiyada ishtirok etish uchun kelayotgan polisiya xodimlariga hujum qilishgan. Olti nafar polisiya xodimi, jumladan, yuqori lavozimli ofiser halok bo‘lgan.

Gonduras Xavfsizlik vazirligi hujumlar sodir bo‘lgan hududlarga polisiya va harbiy bo‘linmalar yuborilganini ma’lum qildi.

Voqealarni tekshirish uchun sud-tibbiy ekspertlar va prokurorlarni o‘z ichiga olgan maxsus guruhlar tuzilgan.