Ukraina prezidenti Rossiya urushni Chernigov-Kiyev yo‘nalishida kengaytirishning beshta ssenariysiga ega ekanini bildirdi. Zelenskiyning so‘zlariga ko‘ra, Ukraina ehtimoliy tahdidni hisobga olib, ushbu yo‘nalishdagi kuchlarini ko‘paytiradi. U Oliy bosh qo‘mondonlik shtabi yig‘ilishida Chernigov-Kiyev yo‘nalishidagi razvedka ma’lumotlari tahlil qilinganini aytdi.
"Ukraina albatta o‘zini himoya qiladi va hozir bizning vazifamiz Rossiyaning Ukraina shimoli orqali urushni kengaytirish bo‘yicha beshta ssenariysidan hech biri amalga oshmasligi uchun davlatimizni kuchaytirishdir", — dedi Zelenskiy.
Prezident agar Rossiya o‘z tajovuzini kengaytirishga qaror qilsa, Ukraina har bir ehtimoliy harakatga javob tayyorlayotganini ta’kidladi. U bu yo‘nalishda Ukraina kuchlari soni ko‘paytirilishini ma’lum qildi.
"Ukraina Tashqi ishlar vazirligiga Rossiya tomonidan urushni bunday kengaytirish uchun foydalanilishi mumkin bo‘lgan Belarusga nisbatan qo‘shimcha diplomatik ta’sir choralarini tayyorlashni topshirdim. Ukraina razvedka xizmatlari uchun ham tegishli maxfiy vazifalar mavjud", — deya qo‘shimcha qildi Zelenskiy.
10 ming qadam yurganlarga pul to‘laydigan platforma ishga tushdi
Kaspiy dengizi xavotirli tezlikda qurib bormoqda
Elektr va gaz narxlari bo‘yicha hukumat qarori qabul qilindi
