Germaniya kansleri Olaf Shols va Fransiya prezidenti Emmanuel Makron telefon orqali muloqot chog‘ida Suriyaning yangi hukumatlari bilan hamkorlik qilishga tayyor ekanliklarini ma’lum qilishdi. Bu haqda Germaniya hukumati matbuot kotibi Shteffen Xebeshtrayt ma’lum qildi.
Unga ko‘ra, Shols va Makron Suriyaning hududiy yaxlitligi va suverenitetini saqlash muhimligini ta’kidlagan.
– Ikki lider ham Yevropa Ittifoqining Suriyadagi ishtirokini kuchaytirish, jumladan, Suriyada inklyuziv siyosiy jarayonni qo‘llab-quvvatlash uchun birgalikda ishlashga kelishib oldi, -deya qo‘shimcha qildi Xebeshtrayt.
Eslatib o‘tamiz, kuni kecha Suriyadagi qurolli muxolifat vakillari Damashqda davlat televideniyesini qo‘lga kiritib, mamlakat ustidan nazorat o‘rnatganliklarini efirda e’lon qilishdi.
Rossiya Tashqi ishlar vazirligi Suriya prezidenti Bashar al-Assad mojaroning bir qator ishtirokchilari bilan muzokaralardan so‘ng o‘z lavozimini topshirib, mamlakatni tark etgani, Rossiya esa bu muzokaralarda umuman ishtirok etmagani haqida xabar berdi.
Ronaldu "Real"ga qaytishi mumkin
Tabiat insondan o‘ch olmoqda
Rossiya banklari rekord darajada daromad oldi
