Harbiy texnika uchun ehtiyot qismlarning keskin yetishmasligi va Germaniya Mudofaa vazirligidagi rejalashtirish muammolari mamlakatning mudofaa qobiliyatiga tahdid solmoqda.
Bu haqda Süddeutsche Zeitung, WDR va NDR nashrlari harbiy texnikaga xizmat ko‘rsatish uchun mas’ul bo‘lgan Heeresinstandsetzungslogistik GmbH (HIL) kompaniyasining hisobotiga tayanib xabar berishdi.
Nashrning yozishicha, Marder piyoda jangovar mashinalari va Panzerhaubitze 2000 o‘ziyurar gaubisalari uchun komponentlarning yetishmasligi ayniqsa keskin bo‘lib, bu ta’mirlashning kechikishiga va jangovar tayyorgarlikning pasayishiga olib keladi.
Hisobotda shuningdek, infratuzilmani modernizasiya qilishni rejalashtirish, xodimlar yetishmasligi, IT-vositalarining yetishmasligi va barqaror ta’minot zanjirlari va sanoat hamkorlari bilan uzoq muddatli shartnomalarning yo‘qligi bilan bog‘liq muammolar qayd etilgan.
Intensiv mashqlardan so‘ng, ayrim turdagi texnikalarning jangovar tayyorgarligi 30% gacha pasayishi mumkinligi, shu bilan birga kompaniyadan kamida 70% mavjudlik darajasini saqlab qolish talab qilinishi haqida xabar berilgan.
HIL ma’lumotlariga ko‘ra, may oyida Panzerhaubitze 2000 o‘ziyurar gaubisalarining yarmidan kamrog‘i ishga yaroqli edi va Marder piyoda askarlarining jangovar mashinalari va Boxer zirhli transportyorlarining katta qismi texnik xizmat ko‘rsatilmoqda.
O‘zbekistonda yangi ko‘l paydo bo‘ldi
Qirg‘izistonga yuborilgan 21 tonna tarvuz nega ortga qaytarildi?
Rustam G‘oipovga “Xalq artisti” unvonining berilishi shaxsan davlat rahbarining tashabbusi bo‘lgan
