Telegram asoschisi Pavel Durov 2024 yilda unga qarshi boshlangan tergov doirasida fransuz tergovchilari tomonidan yana so‘roqqa chaqirildi.
Bu haqda Agence France-Presse nashri xabar berdi.
Agentlik ma’lumotlariga ko‘ra, Durov so‘roqqa mahalliy vaqt bilan soat 10:00 da kelgan. Tergovchilar bilan suhbat olti soatdan ortiq davom etdi va bu uning ushbu tergovdagi to‘rtinchi suhbati bo‘ldi.
"Pavel Durovga qarshi jinoiy ish qo‘zg‘atilganidan deyarli ikki yil o‘tgach, ayblovlarni tasdiqlovchi hech qanday dalil yo‘q", deb ta’kidladi uning advokatlari.
Himoya tomoni shuningdek, Fransiya huquqni muhofaza qilish organlarining harakatlariga ham Fransiyada, ham Yevropa sudlarida shikoyat qilish niyatida ekanligini e’lon qildi.
O‘zbekistonga yana juda issiq havo oqimlari kirib keladi
Hindistonda bir kunlik milliy motam e’lon qilindi
Ukrainani “Rus” deb qayta nomlash taklif qilindi
