Falastinning bosib olingan G‘arbiy Sohilida 17 oktyabr kuni yevropalik diplomatlar isroillik ko‘chmanchilarning hujumiga uchradi. Taybe qishlog‘iga zaytun hosilini yig‘ish jarayonini kuzatish uchun borgan Fransiya, Belgiya va Polsha diplomatlarining avtomashinalariga tosh otilib, oynalari sindirildi.
Bu haqda The Times of Israel xabar berdi.
Guvohlarning so‘zlariga ko‘ra, kvadrosikllarda kelgan yetti nafar niqobli shaxs diplomatlarning mashinalarini qurshab olgan va ulardan hujjat talab qilgan. Hodisa joyidan olingan videolarda avtomashinalardan birining oynasi sindirilgani va yerda bir diplomat yotgani aks etgan.
Isroil mudofaa kuchlari (SAXAL) bu hujumni qoraladi. Harbiylarning bildirishicha, diplomatlarning tashrifi armiya bilan oldindan muvofiqlashtirilmagan. Hozirda Isroil polisiyasi holat yuzasidan surishtiruv ishlarini boshlagan.
Rus qo‘shinlari Kiyevga olib boradigan yaxshi asfalt yo‘ldan yurganida...
Rashid Malikovning filmi Moskvada bosh sovrinni qo‘lga kiritdi
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
