Finlyandiya prezidenti Aleksandr Stubb va Norvegiya bosh vaziri Yonas Gar Styore Ukrainadagi urushni to‘xtatish bo‘yicha muzokaralarga oid muhim xabarlarni yetkazish maqsadida Vladimir Putin bilan bir yarim soatlik telefon muloqoti o‘tkazdilar. Ushbu diplomatik tashabbus Yevropalik ittifoqchilar o‘rtasida turli bahslarga sabab bo‘ldi: jumladan, Kopengagen ushbu muloqot hamkorlar bilan oldindan muvofiqlashtirilmaganini bildirdi.
Dastlab 20 daqiqa atrofida davom etishi rejalashtirilgan suhbat yakunda bir yarim soatga cho‘zildi — bunda Financial Times ma’lumotlariga ko‘ra, vaqtning salmoqli qismi Putinning suhbatdoshlariga slavyanlarning o‘rta asrlar tarixi bo‘yicha ma’ruza o‘qishi bilan o‘tdi. Bu Kreml rahbarining Ukrainani qo‘llab-quvvatlayotgan Yevropa mamlakatlari yetakchilari bilan 2025 yil iyul oyida Fransiya prezidenti Emmanuel Makron bilan bo‘lgan suhbatidan beri ilk muloqoti bo‘ldi.
Stubb va Styore butun Yevropa nomidan emas, balki o‘z mamlakatlari nomidan harakat qilganliklarini ta’kidladilar. Ularning so‘zlariga ko‘ra, Rossiyaning qo‘shnilari sifatida ular o‘z pozisiyalarini Moskvaga bevosita yetkazish imkoniyatiga ega bo‘lishlari zarur. Muloqot oldidan ular Ukraina prezidenti Vladimir Zelenskiy va Donald Trampning maxsus vakili Stiv Uitkoff bilan uchrashgan edilar. Putin bilan suhbatdan so‘ng ikkala yetakchi yana Zelenskiy bilan bog‘landilar.
Daniya bosh vaziri Mette Frederiksen ushbu tashabbusga tanqidiy va skeptik munosabat bildirdi. Uning ta’kidlashicha, Rossiyada tinchlikka tayyorlik alomatlari ko‘rinmayapti, Yevropa mamlakatlari esa alohida diplomatik qadamlar qo‘ymasdan, yagona va jipslashgan holda harakat qilishlari lozim. Norvegiya bosh vaziri esa, o‘z navbatida, ittifoqchilar suhbat haqida oldindan xabardor qilinganini aytmoqda.
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
Dunyodagi eng yirik yo‘lovchi samolyoti Moskvaga qo‘na olmayapti — OAV
