Evrokomissiya nomzod davlatlarga integrasiya jarayonida ko‘proq imtiyozlar berishni taklif qilmoqda. Evaziga YEIga qabul qilinganidan keyin islohotlarni to‘xtatgan yoki majburiyatlaridan chekingan davlatlarga nisbatan huquqlarni cheklash imkonini beruvchi yangi himoya mexanizmlari joriy etiladi. Paketni 6 oktyabr kuni Strasburgda Yevrokomissar Marta Kos e’lon qildi.
“Endi Viktor Orbanlar bo‘lmaydi. Qonun ustuvorligi va demokratiya buzilsa, bizga 7-moddadan ko‘ra tezkorroq mexanizmlar kerak”, — dedi Marta Kos. 7-modda a’zo davlatning ovoz berish huquqini to‘xtatib turishni nazarda tutadi.
Yangi choralar Bryusselning Vengriya va Polsha bilan so‘nggi yillarda yuzaga kelgan muammolari ortidan ishlab chiqilmoqda.
Ukraina, Moldova, Albaniya va Chernogoriya YEIga a’zo bo‘lish uchun zarur islohotlarni amalga oshirishda eng katta natijalarga erishgan nomzod davlatlar hisoblanadi. Oktyabr oxirida ularga islohotlar bo‘yicha aniq vazifalar va a’zolik bo‘yicha muzokaralarni yakunlashning taxminiy muddatlari ko‘rsatilgan “yo‘l xaritalari” taqdim etiladi.
Aeroportda yangi tug‘ilgan chaqaloq va uning onasi vafot etdi
13 yoshli qiz egizak farzandli bo‘ldi
«Biz tayyormiz»: Mers Kiyevdan Putinga murojaat qildi
