Eronga aloqador xakerlar AQShga yirik kiberhujum uyushtirdi

The Wall Street Journal nashrining xabar berishicha, Eronga aloqador deb hisoblangan xakerlar AQShda yirik kiberhujum uyushtirgan.

Ma’lumotlarga ko‘ra, hujum nishoni tibbiy uskunalar ishlab chiqaruvchi Stryker Corporation kompaniyasi bo‘lgan.

Aytilishicha, xakerlar kompaniya qurilmalariga masofadan kirish imkoniyatiga ega bo‘lgan. Ular o‘n minglab tibbiy uskunalardagi ma’lumotlarni o‘chirib yuborishi mumkinligi ham qayd etilmoqda.

Hozircha hodisa oqibatlari va zarar ko‘lami bo‘yicha qo‘shimcha tekshiruv ishlari olib borilmoqda.