Eronda norozilik namoyishlarining yangi to‘lqini boshlandi va yetakchi axborot agentliklarining veb-saytlari ishlamay qoldi

Eronda norozilik namoyishlarining yangi to‘lqini boshlandi. Juma kuni ertalab minglab odamlar poytaxt ko‘chalariga chiqishdi.

Bu haqda Al Jazeera xabar bermoqda.

Norozilik namoyishlari paytida ko‘plab yetakchi axborot agentliklarining veb-saytlari ishlamay qoldi. Mamlakatda internet xizmati 12 soatdan beri uzilib qolgan.

Azad Iran nashrining xabar berishicha, namoyishchilar Yazddagi merlik idorasi va Tehrondagi ma’muriy binoga o‘t qo‘yishgan.

Tehrondagi Firdavs bulvarida polisiya mashinalari yoqib yuborilgani haqida xabar berilgan.

Kecha namoyishchilar va polisiya o‘rtasida to‘qnashuvlar bo‘lib o‘tdi. Namoyishchilarga qarata o‘q uzgan IIPK xodimi qo‘lga olinib, kaltaklangan va kaltaklanish natijasida vafot etgan.