"Men bu haqda gapirishni xohlamayman..."

AQSh kuchlari Rossiya bayrog‘i ostida suzib ketayotgan tankerni qo‘lga olishga borganida rus harbiy kemalari tezda ortga chekingan.

AQSh prezidenti Donald Tramp Fox News telekanalida intervyusida, AQSh tomonidan ta’qib qilingan Bella 1 neft tankerini kuzatib borish uchun Rossiya yuborgan suvosti kemasi va esmines “juda tez chekinganini” aytdi.

Jurnalist AQSh prezidentidan Bella 1 tankeri amerikalik kuchlar tomonidan qo‘lga olinganidan keyin Vladimir Putin unga qo‘ng‘iroq qilgani yoki qilmaganini so‘radi.

"Men bu haqda gapirishni xohlamayman, ammo fakt shuki: u yerda Rossiyaning suvosti kemasi va esminesi bo‘lgan, biznikilar yetib borganida esa ikkalasi tezlik bilan chekingan. Biz neft tankerini qo‘lga oldik va ayni paytda undan neftni tushirish ishlari olib borilmoqda", — dedi Tramp.