Uning so‘zlariga ko‘ra, parlamentda «DNYAOdan chiqish rejasi» deb nomlangan qonun loyihalari allaqachon tayyorlangan. Ushbu hujjatlar ko‘plab deputatlarning imzolari bilan parlamentning Milliy xavfsizlik va tashqi siyosat komissiyasi hamda Qonunchilik boshqarmasiga yuborilgan.
Shu bilan birga, Aziziy Eronning DNYAOdan chiqishi uchun muayyan chora-tadbirlarni qabul qilish, barcha davlat institutlari o‘rtasida muvofiqlashtirish va Eron rahbariyatining yagona qarorini talab qilishini ta’kidladi.
MAGATE faoliyati haqida gapirar ekan, deputat tashkilotni texnik va professional faoliyatdan chekinishda yana bir bor aybladi. Uning ta’kidlashicha, MAGATE «AQSh va boshqa nufuzli davlatlar tomonidan bosim o‘tkazish vositasiga aylangan».
Aziziy, shuningdek, Eronning janubiy qo‘shnilarini Tehron bilan muvofiqlashtirish zarurligini hisobga olishga chaqirdi. U mintaqadagi vaziyatga ta’sir qilishi mumkin bo‘lgan masalalar qatorida Eronning yadroviy dasturi, AQSh bilan munosabatlar, Hurmuz bo‘g‘ozi atrofidagi vaziyat va «Qarshilik o‘qi»ning keyingi rivojlanishini sanab o‘tdi.
Dunyoda atigi uch kishi xorijga pasportsiz sayohat qilishi mumkin
Muhojirlar ketmoqda — Moskva esa qaytishga chaqirmoqda
Surxondaryoda 3700 yillik qabrlar o‘rganilmoqda
