Eron bir shart bilan Yaqin Sharqdagi mojaroni deeskalasiya qilishga tayyor

Bu haqda Mas’ud Pezeshkiyon Turkiya prezidenti Rajab Toyyib Erdog‘an bilan telefon orqali suhbatida ma’lum qildi.

“Eron doimo mintaqadagi keskinlikni pasaytirishga tayyorligini aytgan. Faqat bir shart bilan: qo‘shni davlatlarning havo hududi, quruqlik va hududiy suvlari Eron aholisiga qarshi hujumlar uchun foydalanilmasligi kerak”, — dedi Pezeshkiyon.

Shu o‘rinda, IIQK arab va Yevropa davlatlari Isroil va AQSh elchilarini chiqarib yuborsa, ularga tegishli kemalar ham Ho‘rmuz bo‘g‘ozi orqali erkin harakatlanishi mumkinligini ma’lum qildi.