Eron TIV rasmiy vakili Ismoil Bag‘oiy bugun, 28 may kuni tongda Bandar Abbos hududiga AQSh tomonidan uyushtirilgan harbiy hujumni qoralab, bu harakatlar Eronning hududiy yaxlitligi va milliy suverenitetiga qarshi tajovuz ekanini ta’kidladi. Uning so‘zlariga ko‘ra, bu xalqaro huquq va BMT Nizomining qo‘pol ravishda buzilishi hisoblanadi va BMT Xavfsizlik Kengashi Vashingtonni javobgarlikka tortish bo‘yicha o‘z majburiyatini bajarishi kerak.
Bag‘oiy AQSh tomonidan joriy yil 8 aprelda e’lon qilingan o‘t ochishni to‘xtatish rejimining muntazam buzilayotganini, xususan, Fors ko‘rfazi va ochiq dengizlardagi tijorat kemalariga qarshi harakatlar hamda so‘nggi kunlarda Eron janubiga qilingan havo hujumlarini eslab o‘tdi. Shu bilan birga, u Tehron BMT Nizomining 51-moddasiga muvofiq milliy suverenitet va hududiy yaxlitlikni himoya qilish uchun barcha zarur choralarni ko‘rishga tayyorligini bildirdi.
Shuningdek, Bag‘oiy Qo‘shma Shtatlarning Eron va mintaqadagi boshqa davlatlarga qarshi tahdidli bayonotlarini ham qoralab, Tehron do‘st va birodar davlat O‘mon bilan hamjihat ekanini ta’kidladi.
Eron 57 ta musulmon davlatidan iborat “Islom NATOsi” ni tuzishga chaqirdi
Netanyaxu Quddusdagi shifoxonaga yotqizildi
Superkompyuter futbol bo‘yicha JChda kim g‘olib bo‘lishini aytdi
