Derbida "Barselona"ga yordam bermaydigan yana bir futbolchi ismi aniq bo‘ldi

"Barselona" "Espanyol"ga qarshi o‘yinda markaziy himoyachi Ronald Arauxoga umid bog‘lay olmaydi.

Bugunning o‘zidayoq urugvaylik futbolchi jamoa bilan mashg‘ulotlarga qaytadi, biroq uning derbida maydonga tushishini kutish kerak emas, deya xabar bermoqda Diario Sport. 26 yoshli futbolchi "ko‘k-anorranglilar" o‘yinlarida qachon ishtirok etishga tayyor bo‘lishi hozircha noma’lum. Qarorni uning o‘zi qabul qilishi kerak.

Eslatib o‘tamiz, Ronald Arauxo noyabr oyida Chempionlar ligasi doirasida "Chelsi"ga qarshi kechgan o‘yinda (0:3) birinchi bo‘limda maydondan chetlatilganidan keyin ruhiy muammolarga duch kelgan edi. Kataloniya klubi xotirjam muhitda kuch to‘plashi uchun himoyachini ta’tilga qo‘yib yubordi.