Davosdagi Jahon iqtisodiy forumi prezidenti Epshteyn sabab iste’foga chiqdi

Davosdagi Jahon iqtisodiy forumi prezidenti va bosh direktori Borge Brende iste’foga chiqdi, deb xabar beradi Reuters.

«Men Jahon iqtisodiy forumi prezidenti va bosh direktori lavozimidan ketishga qaror qildim», dedi janob Brende. U JIFdagi ishi «nihoyatda samarali bo‘lganini» ta’kidladi. Xayrlashuv nutqida Borge Brende Epshteyn bilan aloqasi haqida gapirmadi. Alois Zvingi JIF prezidenti va bosh direktori lavozimini egallaydi.

AQSh Adliya vazirligi 2017 yildan beri JIF prezidenti bo‘lib ishlagan janob Brende moliyachi bilan bir necha bor ishbilarmonlik kechki ovqatida bo‘lganligi va u bilan elektron pochta orqali ham gaplashgani haqida ma’lumot tarqatdi. Shundan so‘ng, JIF rahbariyati uning Epshteyn bilan munosabatlari bo‘yicha mustaqil tergov boshladi.

Jeffrey Epshteyn voyaga yetmaganlarni jinsiy ekspluatasiya qilishda ayblanmoqda. U 2019 yilda qamoqda vafot etdi. Tergovchilar Epshteyn o‘z joniga qasd qilgan deb hisoblashadi. 30 yanvar kuni AQSh Adliya vazirligi moliyachining ishi bilan bog‘liq yana 3 million faylni e’lon qildi. AQSh departamenti ma’lumotlariga ko‘ra, avvalgi nashrlarni ham qo‘shib hisoblaganda, ish bilan bog‘liq jami 3,5 million hujjat allaqachon e’lon qilingan.