Davlat zaxiralari bozorga chiqarildi: Neft narxi yana bir barrel uchun 100 dollardan oshdi

AQSh va 30 dan ortiq davlat zaxiralaridan bozorga neft chiqarishni boshlaganiga qaramay, neft narxi yana bir barrel uchun 100 dollardan oshdi

Osiyo birjalarida Brent markali neft narxi bir barrel uchun 101,59 dollargacha ko‘tarildi.

Bir kun avval Xalqaro energetika agentligi o‘z tarixidagi eng katta hajmdagi davlat neft zaxiralarini bozorga chiqarishga qaror qilgan edi. Bu 400 million barrel neftni bozorga yo‘naltirishni nazarda tutadi. Shundan so‘ng AQSh ham o‘z strategik zaxirasidan 172 million barrel neftni chiqarishini e’lon qildi.

Sanford C. Bernstein & Co kompaniyasining tadqiqotlar bo‘yicha direktori Nil Beverijning fikricha, neft narxlarini avvalgi darajaga qaytarishning yagona yo‘li Ho‘rmuz bo‘g‘ozining qayta ochilishi hisoblanadi. Uning aytishicha, strategik zaxiralardan chiqarilayotgan neft hajmi bo‘g‘oz yopilishi sabab dunyo har kuni yo‘qotayotgan 20 million barrel bilan solishtirganda hech narsa.