O‘zbekistonda qonun ustuvorligi va davlat manfaatlarini himoya qilishda Majburiy ijro byurosining o‘rni beqiyos. Yaqinda Farg‘ona viloyatining Rishton tumanida sodir bo‘lgan voqea buning yana bir yorqin isboti bo‘ldi.
Rishton tuman jinoyat ishlari bo‘yicha sudining 2024 yil 23 dekabrdagi qaroriga asosan, fuqaro T.O.davlat byudjetiga 207 057 580 so‘m miqdorida zarar yetkazgani uchun javobgarlikka tortilgan edi. Bu zararning asosiy sababi – T.O.ning davlat yerlarini o‘zboshimchalik bilan egallab olishi va buning uchun kadastr hujjatlarini soxtalashtirishi bo‘lgan.
Sud qarori asosidagi ijro hujjati MIB bo‘limiga kelib tushgach, davlat ijrochisi T.O.ga qarzni ixtiyoriy ravishda to‘lash uchun qonuniy muddat berdi. Ammo qarzdor bu imkoniyatdan foydalanmadi va mablag‘ni to‘lamadi.
Shundan so‘ng, davlat ijrochilari qarzni undirish bo‘yicha qat’iy choralarga o‘tishdi. Tezkor so‘rovlar va tekshiruvlar natijasida, T.O.ning nomiga rasmiylashtirilgan ikkita "Cobalt" va bitta "VAZ 21063" rusumli avtomashinalari borligi aniqlandi!
Aniqlangan zahotiyoq, davlat ijrochisi tomonidan ushbu uchta avtomashina xatlandi.
Endilikda ular elektron onlayn auksion savdolariga chiqarilib, sotuvdan tushgan mablag‘ davlat byudjetiga yetkazilgan zararni qoplashga yo‘naltiriladi.
Dahshat! Vafot etgan 88 yoshli ayol tobutda hushiga keldi
BAA bosh murabbiyi muxlislarga murojaat bilan chiqdi
Hindiston cho‘kib ketmoqda - yarim milliondan ortiq qurbonlar
