Bu Yevropa emas, Tehron ko‘chalari: eronlik ayollar ko‘chaga majburiy hijobsiz chiqishmoqda (video)

So‘nggi kunlarda Eronning yirik shaharlarida, xususan, poytaxt Tehronda hijobsiz ayollar ko‘payib bormoqda. Bir paytlar aqlga sig‘maydigan narsa asta-sekin yangi normaga aylanib bormoqda. O‘nlab yillar davomida amalda bo‘lgan qat’iy hijob talablari bugungi kunda tobora yumshatilayapti, bu Islom Respublikasida jiddiy ijtimoiy o‘zgarishlardan dalolat beradi.

Bu haqda "Ozod Eron" Telegram-kanali xabar berdi.

Ijtimoiy tarmoqlarda keng tarqalayotgan videolarda hayratlanarli manzara aks etgan: ayollar bosh kiyimsiz, ko‘chalarda xotirjam sayr qilishmoqda, o‘zlarini erkin va cheksiz tutishmoqda. Ko‘pchilik internet foydalanuvchilari bu suratlarni hayrat bilan izohlaydilar: "Bu Yevropa emas, Tehron ko‘chalari", deya ro‘y berayotgan o‘zgarishlar ko‘lamini ta’kidlaydi.