2022 yilda Ukrainada jangovar harakatlar boshlanganidan so‘ng G‘arbiy davlat elchisi Gruziyaga Rossiya bilan urush boshlashni, "10 kun turib, keyin partizanlar urushiga o‘tishni" taklif qilgan.
Bu haqda hukmron "Gruziya orzusi – Demokratik Gruziya" partiyasi bosh kotibi, Tbilisi meri Kaxa Kaladze Gruziyaning "Imedi" telekanaliga bergan intervyusida ma’lum qildi.
"Bir G‘arbiy davlatning elchisi, u mamlakat bosh vaziri bilan uchrashib, "Sizlar urushni boshlaysizlar, sizga harbiy texnika beriladi. Asosiysi, 10 kun chidab, keyin partizanlar urushiga o‘tasizlar, degandi", - dedi u.
Merning so‘zlariga ko‘ra, o‘shanda Irakliy Gariboshvili bosh vazir bo‘lgan. Kaladze qaysi davlat elchisi Gruziyani urushga qo‘shilishini taklif qilganiga aniqlik kiritmadi.
Toshkent shahri havosi ifloslanishining sababi ma’lum bo‘ldi
Dunyoda eng kam va eng ko‘p tug‘ilish qayerda?
«Jahannam Najoti» Turkiyada qo‘lga olindi
