Braziliya futbol konfederasiyasi (CBF) UYEFA Chempionlar Ligasi pley-offida "Benfika" va Madridning "Real"i o‘rtasida bo‘lib o‘tgan (0:1) uchrashuvdan keyin rasmiy bayonot bilan chiqdi.
Ushbu o‘yinda "qaymoqranglar" vingeri Vinisius Junior irqchilik haqoratlariga duch kelgandi.
X ijtimoiy tarmog‘ida joylangan bayonotda CBF braziliyalik futbolchi bilan yakdilligini bildirdi:
"Braziliya futbol konfederasiyasi Lissabonda "Benfika"ga gol urganidan keyin seshanba kuni navbatdagi irqchilik harakati qurboniga aylangan Vinisius Junior bilan birga ekanini bildiradi.
Irqchilik — jinoyat. Buni qabul qilib bo‘lmaydi. Futbolda ham, boshqa joyda ham uning o‘rni yo‘q. Vini, sen yolg‘iz emassan. Sening harakating — jasorat va qadr-qimmat namunasi. Biz sen bilan faxrlanamiz. Diskriminasiyaning barcha ko‘rinishlariga qarshi qat’iy kurashamiz. Biz sening yongingdamiz. Har doim".
CBF Vinisiusni qo‘llab-quvvatlashda davom etishini va futbolda diskriminasiyaning har qanday ko‘rinishlariga qarshi ekanini ta’kidladi.
Krishtianu Ronaldu boykotdan keyin jahon rekordini o‘rnatdi
Holand kutilmagan transfer qarorini qabul qildi
Vinisiusning so‘rayotgan juda katta maoshni to‘lay oladigan Yevropa klubi nomi ma’lum bo‘ldi
