Бразилия футбол конфедерацияси (CBF) УЕФА Чемпионлар Лигаси плей-оффида "Бенфика" ва Мадриднинг "Реал"и ўртасида бўлиб ўтган (0:1) учрашувдан кейин расмий баёнот билан чиқди.
Ушбу ўйинда "қаймоқранглар" вингери Винисиус Жуниор ирқчилик ҳақоратларига дуч келганди.
X ижтимоий тармоғида жойланган баёнотда CBF бразилиялик футболчи билан якдиллигини билдирди:
"Бразилия футбол конфедерацияси Лиссабонда "Бенфика"га гол урганидан кейин сешанба куни навбатдаги ирқчилик ҳаракати қурбонига айланган Винисиус Жуниор билан бирга эканини билдиради.
Ирқчилик — жиноят. Буни қабул қилиб бўлмайди. Футболда ҳам, бошқа жойда ҳам унинг ўрни йўқ. Вини, сен ёлғиз эмассан. Сенинг ҳаракатинг — жасорат ва қадр-қиммат намунаси. Биз сен билан фахрланамиз. Дискриминациянинг барча кўринишларига қарши қатъий курашамиз. Биз сенинг ёнгингдамиз. Ҳар доим".
CBF Винисиусни қўллаб-қувватлашда давом этишини ва футболда дискриминациянинг ҳар қандай кўринишларига қарши эканини таъкидлади.
Криштиану Роналду бойкотдан кейин жаҳон рекордини ўрнатди
Ҳоланд кутилмаган трансфер қарорини қабул қилди
Винисиуснинг сўраётган жуда катта маошни тўлай оладиган Европа клуби номи маълум бўлди
