Bolgariya prezidenti lavozimini tarixda birinchi marta ayol kishi egalladi. Iliyana Yotova Rumen Radev o‘rniga rasman oliy lavozimda ish boshladi. Bu haqda Bolgariya milliy radiosi xabar berdi.
Bolgariyaning chuqur siyosiy inqirozdan chiqishiga ko‘maklashishni maqsad qilgan prezident Rumen Radev 19 yanvar kuni iste’foga chiqdi. Konstitusiyaviy sud tasdiqlovi bilan bilan Radevning vakolatlari rasman to‘xtatildi. U muddatidan ilgari o‘tkazilayotgan parlament saylovida qatnashishni rejalashtirgan.
61 yoshli Iliyana Yotova — Bolgariyaning 33-prezidenti. Bungacha vise-prezident edi. Yangi lavozimda u parlament partiyalari bilan maslahatlashgan holda saylov sanasini belgilashi shart. Bu so‘nggi besh yil ichidagi sakkizinchi saylovdir. Parlament kuchlari yangi hukumatni shakllantirishga noqobilligi sababli yangi saylov o‘tkaziladi.
Yotova 2007–2017 yillarda Yevropalament deputati sifatida faoliyat yuritgan. Terrorizmga qarshi kurash, Bolgariyaning Shengenga qo‘shilishi va migrasiya inqirozini hal qilish uning asosiy faoliyat yo‘nalishlari bo‘lgan. Vise-prezident paytida chet eldagi bolgar jamoatchiligi va bolgar tilini o‘rganish masalalariga alohida e’tibor qaratgan.
"Dunyo go‘zali" tanlovi ishtirokchisi kiyimida O‘zbekiston bayrog‘i ramzlaridan foydalangani uchun jarimaga tortildi
Zelenskiy: "Rossiya katta zarba berishga tayyorlandi va uni amalga oshirish vaqtini kutmoqda"
"Jangdan so‘ng u Markaziy Osiyo haqida bunday bemaza gaplar gapirmaydi”
