NATOning tugashi yaqinmi?

NATOning tugashi yaqin, lekin bu falokat emas, deb yozmoqda The New York Times.

Trampning xatti-harakatlari, jumladan, ittifoqchilarga tahdid qilish va AQSh majburiyatlarini shubha ostiga qo‘yish alyansning asosini buzdi.

Nashrning qayd etishicha, Yevropa mustaqil mudofaa uchun resurslar va imkoniyatlarga ega va Vashingtonga qaramlikdan voz kechishi kerak, chunki transatlantik xavfsizlikning avvalgi modeli endi ishlamayapti.

Avvalroq, Buyuk Britaniya bosh vaziri Kir Starmer AQShning Grenlandiyaga da’volari bilan bog‘liq vaziyatni NATO "oxirining boshlanishi" deb hisoblamasligini aytgan edi.

"Men bunchalik uzoqqa bormagan bo‘lardim. Ko‘rinib turibdiki, men prezident Trampning Grenlandiyaga nisbatan yondashuviga qo‘shilmayman. Bojxona to‘lovlarini joriy etish bilan tahdid qilish masalasida uning fikriga qo‘shilmayman. Ammo men uning Arktikada xavfsizlikni kuchaytirish zarurligi haqidagi fikriga qo‘shilaman," - dedi Starmer Channel 4 telekanaliga bergan intervyusida sodir bo‘lgan voqea NATO "oxirining boshlanishi"mi, degan savolga javoban.