Zelenskiy: "Rossiya katta zarba berishga tayyorlandi va uni amalga oshirish vaqtini kutmoqda"

Rossiya qo‘shinlari allaqachon Ukraina hududiga yangi yirik zarba berishga tayyorgarlik ko‘rishgan.

Bu haqda Ukraina Prezidenti Vladimir Zelenskiy kechki nutqida aytib o‘tdi.

"Shu kunlarda biz nihoyatda hushyor bo‘lishda davom etishimiz kerak. Rossiya katta zarba berishga tayyorlandi va uni amalga oshirish vaqtini kutmoqda. Iltimos, barcha havo hujumlari sirenalariga e’tibor bering. Va har bir mintaqa iloji boricha tezroq javob berishga va xalqni qo‘llab-quvvatlashga tayyor bo‘lishi kerak", deb ta’kidladi u.

Zelenskiy 16 yanvar kuniyoq Rossiya Ukrainaga yangi yirik zarbalar berishga tayyorgarlik ko‘rayotganini aytdi. Uning so‘zlariga ko‘ra, Ukraina razvedkasi bu haqda ma’lumot olgan. Bundan tashqari, 18 yanvar kuni Ukraina rahbari o‘z sheriklariga murojaat qilib, Ukraina ko‘proq himoyaga muhtojligini aytdi. Bu birinchi navbatda havo mudofaasi tizimlari uchun yangi raketalarga tegishli.