BMT Erondagi voqealarni diqqat bilan kuzatib bormoqda

Birlashgan Millatlar Tashkiloti (BMT) Erondagi voqealarni diqqat bilan kuzatib borayotganini va norozilik namoyishlari paytida o‘limlar haqidagi xabarlardan chuqur xavotirda ekanligini bildirdi.

BMT Bosh kotibining vakili Stefan Dujarrik jurnalistlarning savollariga javob berar ekan, bu haqda bayonot berdi.

Uning ta’kidlashicha, BMT Erondagi vaziyatni diqqat bilan kuzatib bormoqda. Shuningdek, u norozilik namoyishlari paytida odamlarning halok bo‘lishidan "jiddiy xavotir" bildirdi. Dyujarrik hamma joyda odamlar tinch norozilik bildirish huquqiga ega ekanligini va bu huquqlarni ta’minlash hukumatlarning mas’uliyati ekanligini ta’kidladi.

BMT Bosh kotibining vakili hozirda barcha BMT xodimlari xavfsiz ekanligini aytdi. Biroq, u Eronda internet va aloqa uzilishlari yuz berayotganini va bu aloqaga xalaqit berayotganini ta’kidladi.