Bishkekda 40ga yaqin shaxs salatdan zaharlandi

Qirg‘iziston poytaxtida ovqatdan zaharlanish holati qayd etildi.

Mahalliy OAV xabar berishicha, zaharlanish alomatlari bilan 37 kishi Respublika klinik yuqumli kasalliklar kasalxonasiga tibbiy yordam so‘rab murojaat qilgan, ulardan 10 nafari kasalxonaga yotqizilgan, bir bemor esa og‘ir ahvolda reanimasiya bo‘limiga yotqizilgan. Hozirda uning ahvoli barqaror.

Zaharlanish poytaxtdagi madrasalardan birida tayyorlangan olivye salatini iste’mol qilish bilan bog‘liq, degan taxminlar mavjud.