Belarus-Ukraina chegarasi misli ko‘rilmagan darajada yonmoqda

Aleksandr Lukashenkoning ta’kidlashicha, Belarus va Ukraina o‘rtasidagi chegarada vaziyat misli ko‘rilmagan darajada keskinlashgan.

"Janubiy chegara, bir yarim ming kilometrlik hudud, har qachongidan ham qattiq yonmoqda. Ba’zi harbiylarga javobim shunday: biz janubiy chegarani kuchaytirilgan tartibda himoya qilishimiz kerakmi yoki yo‘qmi? Javob: ha, kerak. Biz harbiymiz, xalq esa biz ularni himoya qilishimiz uchun o‘z hisobidan boqmoqda", — dedi Belarus prezidenti.

Lukashenko provokasiyalar va Belarusni urushga tortishga urinishlar yomon oqibatlarga olib kelishi mumkinligidan ogohlantirdi. Unga ko‘ra, Belarusga nisbatan tajovuz bo‘lmasa, u Ukrainaga qarshi harbiy harakatlarga aralashmaydi.