BAA Osiyo kubogi-2031 mezbonligi uchun ariza topshirdi

BAA futbol assosiasiyasi 2031 Osiyo Kubogini qabul qilish uchun ariza topshirdi.

Aniqrog‘i, bu hali rasmiy ariza emas, balki faqatgina qiziqish bildirish. Lekin bu birinchi va juda muhim bosqich. Mendagi ma’lumotlarga ko‘ra, Osiyo Kubogini qabul qilish uchun rasman Kuvayt va Indoneziya da’vogarlik qilmoqda. Sharqiy Osiyo yoki Markaziy Osiyodan (jumladan, 2019 va 2027 yilgi Osiyo Kubogini o‘tkazishga da’vogarlik qilgan Eron) hali hech qanday mamlakat ro‘yxatda yo‘q. Qiziqish bildirish uchun oxirgi muddat – 28 fevral, ya’ni bir haftadan keyin. Taqdim etilgan mamlakatlar soni oshsa, ajab emas.

Qiziq jihati shundaki, BAA avval ham ikki marta – 1996 va 2019 yillarda Osiyo Kubogini qabul qilgan. Agar 2031 yilgi musobaqani ham o‘tkazish imkoniyatiga ega bo‘lsa, bu bir mamlakat ikkinchi bor ikkita turnirni ikki sikl oralig‘ida qabul qilishiga ikkinchi misol bo‘ladi. Ilk bunday holat Qatarda kuzatilgan, u 2011 va 2023 yilgi turnirlarni qabul qilgan, ammo bu Xitoyning musobaqadan voz kechgani tufayli majburiy qaror edi.

Agar BAA (yoki hatto Kuvayt) 2031 yilgi turnirga mezbonlik qilish huquqini olsa, bu ketma-ket to‘rtinchi marta arab mamlakatida o‘tkazilgan Osiyo Kubogi bo‘ladi – BAA-2019, Qatar-2023 va Saudiya Arabistoni-2027 musobaqalaridan keyin.